विद्यालय भवन निर्माणमा विदेशी श्रमदान

दोधारा चाँदनी । दोधारा चाँदनीको सीमा बस्ती बडुवाल टोलमा सामुदायिक विद्यालयको भवन निमार्णका लागि विभिन्न देशका नागरिक श्रमदान गरिरहेका छन् ।

गैर सरकारी संस्था ‘विल्ड अन’को सहयोगमा दोधारा चाँदनी नगरपालिका–३ बडुवाल टोलस्थित गणेश आधाभूत विद्यालयको तीन कोठे पक्की भवन र दुई कोठे शौचालय निर्माण गर्न विभिन्न मुलुकका नागरिक र स्थानीयवासी खटिएका छन् ।

विल्ड अन धनगढीका सहायक निर्देशक झरना बमले भने, “अमेरिका, बेलायत, स्वीट्जरल्याण्ड, आयरल्याण्ड, पोल्याण्ड र ग्रिक लगायतका देशबाट यहाँ श्रमदान गर्न आएका छन् । उनीहरुले आफै लगानी पनि गरेका छन् यसमा स्थानीयवासीको पनि सहभागिता रहेको छ ।” उनले १९ विदेशी दाताहरुले स्वयम् संस्थामार्फत विद्यालय भवन निर्माण गर्न श्रमदान गरिरहेको बताए ।

जिल्लाको विकट बस्तीमा विदेशी नागरिले श्रमदान गरेर विद्यालय भवन निर्माण थालेपछि यहाँका स्थानीयवासी हर्षित बनेका छन् । गणेश आधाभूत विद्यालय व्यवस्थापन समितिका अध्यक्ष कृष्ण वलीले विद्यालय भवन निर्माण गर्न विभिन्न मुलुकका नागरिक श्रमदानमा खटिएको बताए ।

उन्नाइस विदेशी नागरिकसँगै यहाँका स्थानीय पनि श्रमदान गरिराखेका छन् । उनले भने“भवन निमार्णपछि यहाँका विद्यार्थीलाई धेरै सहज हुनेछ ।” यसअघि भवन चुहिने हुँदा विद्यार्थीलाई पठनपाठनमा निकै समस्या हुने गरेको उनले बताए ।“अहिले स्थानीय सरकारले पनि सहयोग गरिराखेको छ ।” वलीले भने“सीमा बस्तीमा रहेको विद्यालयमा हालसम्म सुविधा सम्पन्न भवन निर्माण हुन सकेको छैन ।”

विदेशी नागरिकसँगै यहाँका स्थानीयवासी पनि श्रमदानमा गर्न खटिएका छन । “यस्तो हामीले पहिलो पटक देखेका हौँ ।” यहाँका स्थानीय सीतादेवी वादीले भने “विदेशीसँगै हामी पनि काम गरिरहेका छौँ रमाइलोसँगै खुसी भएका छौँ ।” उहाँले लामो समयदेखि विद्यालय जीर्ण अवस्थामा रहेको बताए ।

दोधारा चाँदनी नगरपालिकासँगको संयुक्त साझेदारीमा बन्ने विद्यालय भवनको निर्माण अवधि एक सय ६ दिन रहेको छ । भवन निर्माणका लागि अमेरिका, फ्रान्स, बेलायतलगायत मुलुकका १९ जना दोधारा चाँदनी पुगेका छन् । स्थानीय तहले निर्माण सामग्री उपलब्ध गराउने गरी सहकार्य गरेको छ । भवन निर्माण सम्पन्न भएपछि संस्थाले फर्निचरलगायत सामग्री उपलब्ध गराउने छ । भवन निमार्णपछि यहाँका विद्यार्थीलाई पठनपाठनमा सहज हुने अपेक्षा गरिएको छ ।

यो पनि, 

कञ्चनपुरको सीमा बस्तीमा ‘विल्ड अन’ले विद्यालय निर्माण थाल्यो

Loading...