विश्वकप क्रिकेटका लागि छानिएको नेपाली राष्ट्रिय टोली अहिलेको “बेस्ट १५” : कप्तान रोहित पौडेल

काठमाडौं । नेपाली राष्ट्रिय क्रिकेट टोलीका कप्तान रोहित पौडेलले विश्वकपका लागि छनोट गरिएको राष्ट्रिय टोलीमा कुनै त्रुटी नरहेको बताएका छन् । उनले अहिलेको अवस्थामा ‘बेस्ट १५’ छनोट भएको बताए । ‘अहिलेको सिनारियोमा यो बेस्ट १५ हो’, वेस्ट इन्डिज ‘ ए ‘ सँग शृंखला गुमाएपछि कप्तान रोहितले भने ।

नेपाल क्रिकेट संघ-क्यानले बुधबार आगामी महिना हुने विश्वकपका लागि १५ सदस्यीय राष्ट्रिय टोलीको घोषणा गरेको थियो । वेस्ट इन्डिज ‘ ए ‘ सँग पहिलो खेल जितेको नेपालले लगातार ३ खेल गुमाएपछि ५ खेलको शृंखला हारेको हो । नेपाल क्रिकेट संघ-क्यानले बुधबार आगामी महिना हुने विश्वकपका लागि १५ सदस्यीय राष्ट्रिय टोलीको घोषणा गरेको थियो ।

वेस्ट इन्डिज ‘ ए ‘ सँग बिहीबारको खेलमा नेपालले अधिकांश पहिलो रोजाइका खेलाडी उतारेको थियो । २१० रनको लक्ष्य पछ्याएको नेपाल २८ रनले वेस्ट इन्डिज ‘ ए ‘ सँग पराजित भयो । उनले नेपाली खेलाडीले ठीक निर्णय लिन नसकेको र धैर्यतासाथ खेल्न नसकेको टिप्पणी पनि गरे । पावर प्लेमा अपेक्षित प्रदर्शन गर्न नसक्दा टोली दबाबमा परेको उनको भनाइ थियो । कप्तान रोहित एक्लैले ८२ रन बनाए । उनले यो टोलीविरुद्ध अघिल्ला दुई खेलमा शतक र अर्धशतक बनाएका थिए ।

Loading...